Transcription
1
Reçue à Grenoble, le 20 mars 1573. Répondue.
2
Monseigneur, je nay volu falhir vous escripre
3
comme jay faict vous commandemans. Jay faict
4
la recherche des armes par les maisons de ceulx
5
qui ne sont poinct catholizés. Je leur fis balher
6
le serement par monsieur le juge ; des plus
7
apparens de la ville avec mes deux sergens
8
chercharent par lesdites maisons et ne treuvarent
9
que deux ou troys bastons ferrés et deux
10
arquebuzes, que le tout ay faict remettre entre
11
les mains des consulz pour les bailher aulx
12
catholiquez anciens qui font les gardes. Jay
13faict commandemant [barré : de all ] à celuy qui avoit
14
sa maison joignant aulx muralhes de la
15
abbatre. Messieurs de la ville font travvalher
16
tousjours sur leurs muralhes à celle fin
17
que les rondes puissent aller au dessus.
18
Jay prié messieurs les consulz quilz facent
19
faire à ceulx qui ont des maisons joignant les
20
muralhes dans la ville quilz les aient à percer
21
pour y faire passer les rondes quelques foys
22
à celle fin que on ne bouge poinct aux muralhes.
23
Jay faict murer les portes avec de la chault
24
Et arche et faictz faire corpz de garde
25
à toutes les portes, et ay faict fermer
26
lesdits corpz de garde creignant une surprinse ;
27
et la porte que je tiens ouverte, je y ay
28
[10 v°] faict mettre des barrières hors de la porte.
29
Quand à ceulx de la ville que font la garde,
30
ilz font les sentinelles jusques à unze heures.
31
Despuis unze heures, les gens de guerre la font.
32
Et faictz passer à force rondes. Je faictz faire
33
cinq corpz de garde la nuict et faictz faire
34
bonne pat[r]oulhe despuis neufz heures jusques
35
au jour, tant alentour des muralhes que
36
pour la ville, et la faictz tousjours mener
37
tant pour mon enseigne par mes sergens, que
38
par moy. Et quand aulx catholicqz que font
39
la garde, ilz ne portent aulcunes armes qune
40
espée et ung baston. Je crois quen toute la
41
ville de Dye, tant messieurs desglise que aultres
42
ne scaurront armer huict ou dix personnes. Jay
43commandé aulx consulz [barré : ne ] de faire ung magasin
44
de pouldre pour en secourir nous gens de guerre
45
silz en avoyent besoing. Quand à la garde, le
46
jour je faictz faire trois corpz de garde à la
47
porte, à la place et au chasteau. Jay prié
48
monsieur le viccayre sans quil en face poinct
49
de bruict, de mettre en escript sy ceulx qui
50
se sont catholizés feront leurs pacques
51
pour en advertir votre seigneurie du tout, vous
52
asseurant, monseigneur, que tous les vilages
53
dicy alentour sont de la religion. Lon ma
54
adverty que la nuict, il passe quelques uguenaulx
55
du cousté de Bourdeaulx avec darmes. Jay faict
56
[f° 11] sergent major ce gentilhomme que porta les
57
lettres à Grenoble à votre seigneurie,
58
et le paye sur ma compagnie. Les consulz mont
59
promiz de luy donner six francz le moys.
60
Monseigneur, monsieur de Verscors ma prié vous
61
escripre quil vous supplie très humblment si
62
votre seigneurie luy vouliés permettre de porter
63[barré : deux ] des pistoles à cheval pour ce quil dict
64
que ceulx de la religion luy veulent mal.
65
je le treuve bien affectioné au party du
66
roy. A ce quil dict, il va tous les jours
67
à la messe. Il ny a aultre chose de nouveau,
68
monseigneur, qui merite vous escripre. En attendant
69
vous commandemans, mon seigneur, je finerey
70
la presente comme celuy qui desire vous faire
71
très humble service, priant Dieu
72
Monseigneur, qui vous doinct santé, longue et
73
très heureuse vie et avoir se bien que de vous
74
demeurer très humble serviteur. A Dye, ce
75
XVIIe mars 1573
76
Votre très humble et
77
très hobeissant serviteur
78
Mayres
79
Mon seigneur, je
80
vous envoye une
81
lettre que ce jourdhuy,
82
de matin, monsieur
83
de Verscors ma monstré.